Fljótt skipast veður í lofti og erum við aftur komin í sóttvarnarhólf með Putalandi. Við munum taka við börnunum í hurðinni og enda daginn úti eins og við gerðum í haust. Vonandi á þetta eftir að taka stuttan tíma en svona verður þetta allavega fram að páskum.

En að öðru skemmtilegu, við fórum í Norræna húsið á miðvikudag, skólahópurinn fór með Fuglalandi í seinustu viku. Lesin var bókin Eggið eftir Sanna Sofia Vuori og myndskreytt af Linda Bondestam. Eftir söguna gátum við leikið með persónur úr bókinni og skoðað myndir úr henni.

Við höfum líka náð að leika í snjónum þessa vikuna og brallað og föndrað ýmislegt inni á deild.

Bestu kveðjur:

Dóri, Melinda og Þórir